💫 Comezar na ximnasia rítmica: unha viaxe chea de diversión, valores e movemento

No Club Rítmica Atalaia cremos que a ximnasia rítmica é moito máis ca un deporte: é unha forma de expresarse, de medrar e de aprender. Unha disciplina que combina flexibilidade, coordinación, ritmo, forza, e unha boa dose de arte e emoción.

Se estás pensando en iniciar ó teu fillo/a nesta marabillosa actividade, contámosche por qué este camiño pode ser tan enriquecedor para o seu desenvolvemento físico, emocional e persoal.

⭐ A que idade se pode comezar?

No noso club, moitos nenos/as comezan desde os 3 ou 4 anos, con actividades de psicomotricidade adaptadas á súa etapa. A partir dos 5 ou 6 anos, xa están preparados para iniciarse na ximnasia rítmica dun xeito máis estruturado, aprendendo os fundamentos técnicos deste deporte dunha maneira divertida, segura e motivadora.

🤸‍¿Qué traballamos nas clases?

Nas clases de iniciación do Club Rítmica Atalaia traballamos:

• Coordinación, equilibrio e conciencia corporal
• Flexibilidade, forza e resistencia física
• Conexión coa música e expresión artística
• Introdución progresiva aos aparellos: corda, aro, pelota, mazas e cinta

E o máis importante: facémolo sempre con agarimo, respecto e paixón pola rítmica.

💜 Os valores que nos definen

O noso obxectivo non é só formar ximnastas, senón axudar a formar persoas. A través da práctica diaria, os nenos/as aprenden a:

• Ser disciplinados e constantes
• Confiar en si mesmos e superarse cada día
• Traballar en equipo e apoiarse entre eles
• Ter respecto, humildade e responsabilidade

Valores que os acompañarán dentro e fóra do tapiz.

🤝 A importancia do equipo

No Club Rítmica Atalaia fomentamos o compañeirismo, a unión entre ximnastas e o apoio mutuo. Porque xuntos, medramos máis e mellor.

✨ ¿Anímaste a probar?

Estaremos encantadas de recibirte, acompañarte e guiarte neste camiño cheo de maxia, movemento e aprendizaxe.

Podes poñerte en contacto connosco ou achegarte a coñecernos. ¡Estarémoste agardando cos brazos abertos!